Jákvæð eða neikvæð sjáfsmynd I

Í megindráttum erum við í sífelldri togstreitu mill tveggja póla. Sumir festast nálægt öðrum þeirra og í vinnubrögðum og viðmóti þeirra endurspeglast viðhorf sem eru ýmist jákvæð eða neikvæð.

Þekkið þið ekki einhvern sem er bjartsýnn og lífsglaður? Viðkomandi trúir á möguleika sína og þótt aðstæður geti verið erfiðar þá lítur hann til þess sem hann fær ráðið við og er virkur. Gæti kannski haft yfir textann í gamla jafnréttissöngnum: Já, ég þori, get og vil.

Jákvæðni og kraftur einkenna slíka einstaklinga. Þeir fyrirgefa öðrum þótt þeir geri einhver mistök en festast ekki í ásökunum og kvörtunum. Þeir horfa til framtíðar og hafa markmið og sýn á það hvert þeir eru að fara, eru ekki bara leiksoppar aðstæðna.

Þekkið þið einhvern sem er fastur í þessum hugsunarhætti? Verið sem oftast nálægt honum/henni og njótið orkunnar og lífsgleðinnar sem smitar til ykkar.